Pozlaćeni iPhone (2018) spreman za prednarudžbe
Apple će u septembru izbacili novu liniju iPhone-a, a iako štošta o njima znamo, još uvijek nismo sigurni kako će se tačno novi modeli nazivati, pa ćemo ih onda prosto zvati iPhone (2018). Bilo kako bilo, izvjesno je da će to biti sjajni uređaji, a kako ih proizvodi Apple, zasigurno će koštati jedno malo bogatstvo. Zašto samo malo, zašto ne pravo bogatstvo?
Firma Goldgenie koja se bavi pozlaćivanjem najavila je da prima prednarudžbe za pozlaćene iPhone (2018). Ovi uređaju koji će se zvati "Milijardersko izdanje suvog zlata" će doći u 18 karatnoj pozlati, i koštaće pozamašnih 112.000 €. Ovo će biti telefon sa 256GB memorije, imaće logo "Billionaire" na pozadini čisto da nikome ni slučajno ne promakne da nosite telefon od čistog zlata, i dolaziće u luksuznoj drvenoj kutiji koja sama vjerovatno košta više nego obični novi iPhone iz Apple prodavnice.
"Dobra" vijest je da ne morate platiti punu cijenu odjednom – Goldgenie očekuje avans od samo 50%, tako da ako ste slučajno zaboravili novčanik kod kuće, moći ćete proći sa somo ono siće što imate u džepu. Uz telefon (i kutiju) dobićete i petogodišnje članstvo u Goldgenie VIP klubu.
Izvor